Олимпиада дебютанты Нұрбек Оралбай 80 келі салмақта сынға түсті.
Елорда әуежайына Париждегі Олимпиада ойындарының күміс жүлдегері Нұрбек Оралбай келді, деп хабарлайды aqshamnews.kz
Нұрбек үшін Париж алғашқы Олимпиада болды. Ол ең қиыны финалдық шайқас болғанын айтты.
"Мен бар тәжірибем мен шеберлігімді, қолымнан келгеннің бәрін жасадым, бірақ менің қарсыласым мықтырақ болып шықты, бұл спорт және әрқашанда жеңетін де, жеңілетін де болады",-деді спортшы.
Әуежайда спортшыны Қазақстанның туы мен плакаттары бар ондаған адам күтіп алды. Ол барлығына қолтаңба берді: адамдар плакаттарға, дәптерге, жалауларға, бокс қолғаптарына, тіпті қолдарына қолтаңба қоюды сұрады.
"Бала кезімнен спортпен айналыстым, Олимпиада чемпионы болуды армандадым. Бұл біз үшін басты мотивация болды. Бұл жолы болмады, бірақ келесі ойындарда осы мақсатқа жету үшін бар күшімізді саламыз",-деді Нұрбек Оралбай.