2024 жылғы Олимпиаданың барлық медальдарының диаметрі 85 мм және қалыңдығы 9,2 мм. 5084 медальдың әрқайсысының ортасында арнайы жиектелген Эйфель мұнарасынан алтыбұрышты темір бар. Марапаттардың дизайнын Chaumet зергерлік үйі жасады. Медальдарды Париж монета сарайы жасап шығарды, деп хабарлайды aqshamnews.kz.
Олимпиаданың алтын медалінің салмағы 529 грам. Медальдың 95,4% - дан астамы (505 грамы) күмістен жасалған. Алты грамм таза алтыннан тұрады. Былайша айтқанда ол медальды жалату үшін қолданылады. Қалған 18 граммы темір.
2024 жылғы Олимпиада ойындарының алтын медалінің құны алтын, күміс және темірдің спот бағасына негізделген шамамен 950 долларды құрайды. Бұл медаль олимпиада ойындары тарихындағы ең қымбат медаль болды. Бұл, ең алдымен, алтын бағасының көтерілуіне байланысты. Бұрын ең қымбат медальдің құны 2012 жылы Лондондағы Олимпиадада болған — $708.
Егер алтын медаль таза алтыннан жасалған болса, онда ол шамамен 41,16 мың долларға бағаланатын еді. Жалпы таза алтыннан құйылған медаль 1912 жылғы олимпиада ойындарында берілген. Содан кейін медаль сапасы төмендеп, алтынмен жалатылып келеді.
Күміс медальдың салмағы 525 грамм. Оның 507 грамы күміс болса, 18 грамы темірден тұрады. Оның құны шамамен $486 құрайды.
Қола медальдың салмағы 455 грамм. Оның 415,15 грамы мыс, 21,85 грамы мырыш және 18 грамы темірден тұрады. Оның құны шамамен $13 құрайды.