Пәкістанның Карачи қаласында тұрып жатқан 300 қазақ көмек сұрап, Қазақстан президенті Қасым-Жомарт Тоқаевқа бейнеүндеу жолдады, деп хабарлайды aqshamnews.kz
Үндеуді Мәжіліс депутаты Ерлан Сайыров Instagram парақшасына жариялады.
Видеодан Қазақстан туы ілінген бөлмеде бір топ адам отырғанын көруге болады. Көпшілік ортасында отырған бір ер азамат үндеуді оқып шықты.
"Құрметті Қазақ елі, біз тарыдай шашылған қазақтың бір бөлшегіміз. Біз 5 жыл бұрын Ауғанстаннан ауып, Пәкістанға келгенбіз. Қырық отбасы – 300 қазақ бармыз. 180-нен аса бала-шаға бар. Қолымызда ешқандай куәлік, паспорт жоқ. Пәкістан үкіметі 30 тамызда бізді жер аудармақшы. Не істерімізді білмей отырмыз. Бізді алып кетіңіздерші Пәкістаннан", – дейді Пәкістанның Карачи қаласында тұратын қазақ азаматы.