Қазақстандық журналист, жазушы Бигелді Ғабдуллин Алматыда атом электр станциясын салу мәселесіне арналған референдумда дауыс берді. Ол Бостандық ауданындағы №191 мектепте орналасқан №235 сайлау учаскесіне барып, өз таңдауын жасады.
Бигелді Ғабдуллин дауыс бергеннен кейін референдумның ел үшін маңыздылығын атап өтіп, бұл әрбір азаматтың өз пікірін еркін білдіруге мүмкіндік екенін айтты. Өзінің әлеуметтік желідегі парақшасында ол: «Өз дауысымды ел болашағы үшін бердім. Қандай шешімді қолдайтынымды өздеріңіз тауып көріңіздер...», - деген жазба қалдырды.
Естеріңізге сала кетейік, бүгін Қазақстанда АЭС салу мәселесі бойынша республикалық референдум өтуде. Алматылықтар тұрғылықты жері бойынша сайлау учаскелеріне барып, сағат 20.00-ге дейін өз дауыстарын бере алады.