Артық салмақтан арыламын деп көз жұмған әйел туралы кеше хабарлағанбыз.
Құралай Батырханованың жақындары болған іске дәрігерлерді кінәлап отыр, деп хабарлайды Almaty-akshamy.kz
Сөздерінше, марқұм тек артық салмақтан арылып, салауатты өмір салтын ұстанғысы келіпті. Әйел ота үшін 2 миллион теңге төлеген екен. Марқұмның артында 3 баласы қалды.
Әйелдің жақындары науқастың көз жұмғаны да бірден хабарланбады дейді. Айтуынша, орталық дәрігерлері отадан соң бәрі жақсы болатынына 100 пайыз сендірген.
Мекеменің бас дәрігері өлімнің нақты себебі анықталмайынша ақпарат беруден бас тартты.
“Науқасқа іш майын алып тастау отасы жасалған еді. Мен басымды алып қашпаймын. Өлімнің нақты себебі анықталсын. Әзірге бар айтарым осы”, – деді "AMIRA" Пластикалық хирургия және косметология клиникасының бас дәрігері Данияр Урмузин.
Ал полиция бұл жайтқа қатысты қылмыстық іс қозғалғанын мәлімдеді. Процессуалдық шешім сот-медициналық сараптама қорытындысы шыққанда ғана белгілі болады.