Оқиға 18 ақпанда Ақтөбе облысы, Қобда ауданында болған.
Сынып жетекшісі балалардың жағдайы нашарлағанын байқап, дереу жедел жәрдем шақырған, деп хабарлайды aqshamnews.kz
Олар мектеп жанындағы дүкеннен қытай тәттісін алған. Оны жегеннен кейін жеті бала өзін нашар сезінген. Тағы тоғызы қатты иістен ауырып қалған.
Уланған 23 бала 4-сынып оқушысы. Қазір олар ауруханада. Оқушылардан жүрек айну, көзден жас ағу және бөртпе белгілері байқалған.
Облыстық денсаулық сақтау басқармасының мәліметінше, жеті бала тамақтан уланған. Қалғандары ингаляциялық жолмен уланған. Қазір жағдайы тұрақты. Кәмпит сараптамаға жіберілген. Тергеу амалдары жүріп жатыр.