Алматыда атақты спортшы, олимпиада чемпионы Ермахан Ибраимов АЭС құрылысы бойынша республикалық референдумда дауыс берді. Спортшы Мемлекеттік қуыршақ театрында орналасқан №361 сайлау учаскесіне келіп, өз таңдауын жасады.
«Референдумға қатысу арқылы мен өзімнің белсенді азаматтық ұстанымымды көрсетемін. Әрбір қазақстандық бұл мәселеде шет қалмауы тиіс деп санаймын», – деп атап өтті Ермахан Ибраимов.
Айта кетейік, бүгін Қазақстанда АЭС салу бойынша республикалық референдум өтіп жатыр. Алматы әкімі Ерболат Досаев жұбайымен бірге №48 мектеп-лицейде орналасқан №388 сайлау учаскесіне алғашқылардың бірі болып келіп, дауыс берді. Алматы тұрғындары өз учаскелеріне барып, сағат 20:00-ге дейін дауыс бере алады.