Ауыр салмақтағы айқас он раундқа есептелген болатын
2020 жылғы Олимпиада чемпионы Баходир Джалолов (12-0, 12 КО) кәсіпқойдағы кезекті айқасын өткізді, деп хабарлайды Almaty-akshamy.kz Vesti.kz-ке сілтеме жасап.
АҚШ-тың Карсон қаласында өткен айқаста ол америкалық Кертис Харпермен (14-9, 9 КО) жұдырықтасты.
Ауыр салмақтағы айқас он раундқа есептелген болатын, бірақ төртіншісінде аяқталды. Джалолов қарсыласын бір соққымен құлатты. Харпер аяққа тұрғанымен, төреші жекпе-жекті тоқтату туралы шешім шығарды. Кертис үшінші раундта да бір құлап алған болатын.
Еске салайық, Джалолов 2019 жылы әлем чемпионы және үш рет (2017, 2019, 2021) Азия чемпионы атанған.