Париж Олимпиадасына 8,8 миллион билет сатылды.
Мұндай сатылым осы уақытқа дейін Олимпиада тарихында болмаған, деп хабарлайды Almaty-akshamy.kz
Бұған дейінгі ең көп билет 1996 жылы Атлантадағы ойындарға сатылған.
"8,8 миллионнан астам билет сатылды. Бұл – керемет сан, Франциядағы спорттық іс-шараның ең жоғары көрсеткіші", - деді Халықаралық олимпиада комитетінің спорт директоры Кит Макконнелл.
Мұндай сатылымдар осы уақытқа дейін Олимпиаданың рекорды болып саналады. Бұған дейін ең көп билет 1996 жылы Атлантадағы ойындарға сатылған. Ол кезде спорт сүйер қауым 8,3 миллион билет алған. Ойындарда қауіпсіздікті қамтамасыз ету үшін әртүрлі қызметтердің 30 мыңға жуық қызметкері жұмылдырылып, Олимпиада қалашығында 166 делегация тіркелген.
Олимпиадаға Қазақстан атынан 80 спортшы қатысады. Париждегі жазғы Олимпиада ойындары 2024 жылғы 26 шілде мен 11 тамыз аралығында өтеді.