Nomad Fighting ұйымының президенті Мұхамеджан Қонысбеков республикалық референдумға қатысып, таңдау жасады, – деп хабарлайды aqshamnews.kz тілшісі.
Дауыс бергеннен кейін ол мұндай маңызды саяси науқандарға қатысу әр азаматтың жауапкершілігі екенін атап өтті.
«Бүгін мен азаматтық борышымды орындап, референдумға қатыстым. Елдің болашағына қатысты шешімдерге бейжай қарамауымыз қажет. Әсіресе, жастардың белсенді болып, мемлекеттің дамуына бағытталған бастамаларды қолдауы маңызды», — деді Мұхамеджан Қонысбеков.
Референдум күні дауыс беру учаскелері таңертеңнен бастап тұрғындарды қабылдап жатыр. Алматы тұрғындары учаскелерге келіп, дауыс беріп, ұстанымын білдіруде.