Кейбір адамдар «МКҰ жабылса, қарыз төлеу міндетті емес» деп ойлайды. Бірақ бұл – қате түсінік. Қаржы нарығын реттеу және дамыту агенттігі қарыз алушының алған ақшасын толық қайтаруға міндетті екенін ескертеді, деп хабарлайды aqshamnews.kz
Егер микрокредит ұйымының лицензиясы тоқтатылса немесе ұйым жабылса, оның қарыздары басқа қаржы ұйымдарына немесе коллекторларға берілуі мүмкін. Бұл процесс келесідей жүреді:
Қарыз басқа ұйымға беріледі – МҚҰ өз активтерін банктерге, коллекторлық агенттіктерге немесе басқа қаржы ұйымдарына сата алады. Бұл жағдайда қарызды жаңа кредиторға төлеу керек болады.
Қарызды өндіріп алу – Егер компания толықтай жабылса, оның мүлкі мен активтері сатылып, берешектерді өндіріп алу жүргізіледі.
Қазақстанда мұндай жағдайлар жиі кездеседі. 2024 жылы 17 микрокредит ұйымы өз еркімен лицензиядан бас тартты, ал 12 ұйым заң бұзғаны үшін жабылды.
МҚҰ-ның заңды екенін қалай тексеруге болады?
Қарыз аларда ұйымның Қаржы нарығын реттеу және дамыту агенттігінің тізімінде бар-жоғын тексеріңіз.
Несие аларда нені ескеру керек?
- Пайыздық мөлшерлемені тексеріңіз
- Төлеу мерзімін нақтылаңыз
- Айыппұлдар мен қосымша шарттарды мұқият оқыңыз
Қазақстанда 900-ден астам микрокредит ұйымы бар, сондықтан қарыз алу кезінде мұқият болу өте маңызды.