Ядролық энергия департаментінің директоры ретінде Қазақстанның атом энергетикасына көшу мәселесінде айтарлықтай тәжірибесі мен әлеуеті бар екенін айтқым келеді.
– Қазақстан көмір энергетикасынан таза, яғни атом энергиясына көшуі керек. Себебі жел мен күн энергиясын тұрақты «жасыл» энергия көзі ретінде қарастыру қиын, әсіресе өнеркәсіптік масштабтағы қажеттіліктерді жабу үшін. Ал Қазақстанның атом энергетикасы саласында үлкен тәжірибесі бар. Елімізде қажетті инфрақұрылым, тұрақты реттеуші және қадағалау органдары жақсы дамыған. Біз бейбіт атомды қолдаймыз және референдум кезінде Қазақстан халқы да бұл бастаманы қолдайды деп сенеміз.
Қазақстанның Ақтау қаласында BН-350 жылдам нейтронды реакторы 1973 жылдан 1988 жылға дейін жұмыс істеп, қалаға жылу энергиясын, электр қуатын жеткізіп қана қоймай, теңіз суын тұщыландыруға да қолданылды. Ол тәулігіне 120 мың текше метр тазартылған су беретін әлемдегі жалғыз ядролық тұщыландыру қондырғысы болды.
– Қазақстан үшін атом энергетикасы бұрыннан таныс сала. Ақтау қаласындағы BН-350 реакторы сол кездегі ең қуатты жылдам нейтронды реакторлардың бірі болып табылды және ол ұзақ жылдар бойы тиімді жұмыс істеді. Бұл Қазақстанның атом энергетикасы саласында бай тәжірибесі бар екенін көрсетеді. Сонымен қатар, Қазақстан уран өндіру бойынша әлемдегі бірінші орында және осы ресурстарды тиімді пайдалану арқылы өзінің энергетикалық қажеттіліктерін толық қамтамасыз ете алады.
Қазақстан ресурстарды өз энергетикалық қажеттіліктерін қамтамасыз етуге және атом энергетикасын белсенді дамытуға бағыттауы керек.
Атом энергетикасының Қазақстан үшін артықшылықтары айқын – тұрақты энергия көзі, экономикалық тиімділік және экологиялық таза технология. Сондықтан Қазақстанның атом энергетикасына көшуі елдің энергетикалық тәуелсіздігін күшейтіп, халықаралық деңгейдегі беделін арттыра алады.