«Азаматтарға арналған үкімет» мемлекеттік корпорациясы Жаңа жыл мерекесі күндері халыққа қызмет көрсету орталықтары мен мамандандырылған ХҚКО-лардың жұмыс кестесін жариялады, деп хабарлайды Aqshamnews.kz.
Мемлекеттік корпорацияның ресми мәліметінше, 1 және 2 қаңтар, сондай-ақ 2026 жылғы 7 қаңтарда еліміздегі барлық ХҚКО мен арнайы ХҚКО-лар жұмыс істемейді.
Ал 3 қаңтар, сенбі күні кезекші ХҚКО мен арнайы ХҚКО-лар азаматтарды қабылдайды. Бұл күні қызмет көрсету уақыты 09:00-ден 13:00-ге дейін жалғасады.
5 және 6 қаңтар жұмыс күндері болып саналады. Осы күндері еліміздегі барлық ХҚКО мен арнайы ХҚКО-лар қалыпты режимде жұмыс істейді.
Мемлекеттік корпорация өкілдері еске салғандай, ХҚКО-лар жұмыс күндері азаматтарды 09:00-ден 18:00-ге дейін қабылдайды. Ал кезекші ХҚКО мен арнайы ХҚКО-лар дүйсенбіден жұмаға дейін 09:00-ден 20:00-ге дейін, сенбі күні 09:00-ден 13:00-ге дейін қызмет көрсетеді.
Сонымен қатар, бұған дейін желіде 1414 бірыңғай байланыс орталығы арқылы ақылы қызметтер көрсетіледі деген ақпарат тараған болатын. Аталған жайтқа қатысты «Азаматтарға арналған үкімет» мемлекеттік корпорациясы ресми түсініктеме бергенін хабарлады.