– Жалпы, вакцинация адамдар арасында ұжымдық иммунитетті қалыптастыруға септеседі. Бұл – індеттің таралуының алдын алатын бірден-бір құрал. Егер нақты екпе табылса, кеселдің жолы кесіледі.
Аурудың адамнан адамға жұғуы бәсеңдейді. Вакцина алмай, бұл індетті жеңе алмаймыз. Соны түсіну керек.
Бір жылдары оба дерті белең алған кезде, бір өзеннің бойында арғы бетте 2 ауыл, бергі бетте 1 ауыл ел отырған. Бергі беттегі 1 ауыл түгелімен екпе алған, ал анау 2 ауыл қарсы болып салдырмаған. Сонда 2 ауылдың барлық халқы қырылып қалған.
Міне, осындай өте қауіпті нәрседен сақтану үшін бізге вакцина алу керек.