Әбілхан Қастеев атындағы ҚР Мемлекеттік өнер музейінде Мәлік Қайдаровтың «Менің жанымның бояулары» атты көрмесі ашылды. Экспозицияда 30-дан астам көркем және графикалық шығарма ұсынылды.
Мәлік Қайдаров – кескіндемеші, жанрлық туындылар суретшісі, қайталанбас көркемдік әлемін қамтитын аяқталған композицияларды жасай білетін портретші шебер. Экспозицияда шебердің көпфигуралы кескіндеме туындыларын жасауға ойластырылған көзқарасын айғақтайтын әр жылдардағы туындылар мен нобайлар ұсынылған. Шебер түрлі әдістерді, мәселен, қарындаштың жұмсақтығын, тушь сызықтарының жылдамдығын, пастельдің түс қанықтығын көрсете отырып, ашық әрекет арқылы лезде іс-қимылмен сәтті бекітуге қол жеткізеді.
Суретшінің көптеген шығармасы өмірбаяндық реңкте көрініс тапқан. Әсіресе, балалық шақтағы көріністер сенімді, жан дүниеңе еніп кететіндей боп орындалған. Жеке өмірінің өткенін бейнелей отырып, айналасындағы адамдар мен олардың ортасының ұлттық болмысынының өзгеруін өзіне ғана тән тәсілмен бейнелейді.
– Мәліктің шығармашылығында ұлттық ерекшеліктерге баса мән берілгетіні даусыз. Әйтсе де, оның картиналарында көпмәдениетті элементтер бастауы бар. Көркемсурет мектебінің негізін Мәскеуде алып, Батыс Еуропа өнерінің үрдістерін игере отырып, ол өз шығармашылығында ұлттық және өңірлік ерекшеліктердің эстетикалық тәжірибесіне аса қызығушылық танытады. Суретші үшін шартты нәрсе – көрген, сезген нақты дүниесін өз әлеміне енгізіп, әсерлі, көркем ұмтылу. Әсіресе, оның нәзік бояушы ретіндегі таңғажайып дарындылығын және шығармашылық мәнерінің ерекшеліктерін айғақтайтын эскиздері қызықты. Жанрлық көріністерді қамтитын ерекше пейзаждары да әсерлі. Күнге толы композициялары Қазақстанның түрлі аймақтарының өмірі мен бай табиғаты туралы баяндайды, – дейді дейді көрме жетекшісі, өнертану кандидаты Светлана Кобжанова.