Үкімет басшысы Олжас Бектенов Сенаттың жалпы отырысында әлеуметтік қолдауға қатысты шешімдер мен мемлекеттік шығыстарды оңтайландыру жайын түсіндірді, - деп хабарлайды aqshamnews.kz.
Премьер-министрдің айтуынша, алдағы үш жылдық республикалық бюджетті қалыптастыру кезінде базалық шығыстар 15%-дан 12%-ға қысқартылған. Оның сөзінше, әлеуметтік сала мемлекеттік бюджетке ең көп салмақ түсіреді: жәрдемақылар, төлемдер және қолдаудың басқа түрлері барлық бюджеттің шамамен 60%-ын құрайды. Жылдар бойы бұл көрсеткіш 40%-дан жоғары болып келген, ал жаңа бюджетте 38%-ға дейін төмендеген.
Бектенов қоғамда мұндай өзгерістер әрқашан оң қабылдана бермейтінін мойындады, бірақ реформа жалғасатынын атап өтті.
"Әлеуметтік қолдауды тек объективті себептермен жұмыс істей алмайтын және өзін-өзі қамтамасыз етуге мүмкіндігі жоқ азаматтар ғана алуы тиіс. Ал еңбекке қабілетті адам жұмыс істеуге міндетті. Мемлекет оны бағып-қағуға тиіс емес және бұдан былай ондай саясат болмайды", – деді Премьер-министр.
