Тәуелсіздік сарайында Мемлекет басшысы Қасым-Жомарт Тоқаевтың қатысуымен барлық деңгейдегі мәслихат депутаттарының ІІІ республикалық форумы өтті , – деп хабарлайды aqshamnews.kz тілшісі.
Форумда еліміздің әр өңірінен келген депутаттар маңызды мәселелерді талқылап, тәжірибе алмасу мүмкіндігіне ие болды.
Жиында Мәжіліс депутаттары Үнзила Шапақ пен Константин Авершин, Алматы облысындағы «Дәулет-Бекет» ЖШС жетекшісі Сыдық Дәулетов, Алматы қалалық мәслихатының төрағасы Мейіржан Отыншиев, Петропавл қалалық мәслихатының депутаты Елена Семидоцких, Жетісу облыстық мәслихатының депутаты Гүлнәр Тойлыбаева, Павлодар облыстық мәслихатының төрағасы Илья Теренченко, Маңғыстау облысы Бейнеу аудандық мәслихатының төрағасы Ардақ Бораш және Ақтөбе облыстық мәслихатының депутаты Аслан Қайырғалиев сөз сөйлеп, өз өңірлеріндегі тәжірибелер мен ұсыныстарын бөлісті.
Форумның басты мақсаты – мәслихаттардың қызметін жетілдіру, жергілікті өзін-өзі басқарудың тиімділігін арттыру және депутаттардың бірлескен тәжірибе алмасуына жағдай жасау.