"Alatau Aqparat" медиахолдингінің бас директоры Ержан Қалымбайұлы Астанада өтіп жатқан Astana Media Week медиа апталығында медиаэтика туралы сөз қозғамақ, - деп хабарлайды aqshamnews.kz тілшісі.
Айта кетейік, 5–7 қараша күндері Астанада Орталық Азиядағы ең ірі медиа іс-шара "Astana Media Week 2025" өтеді. Биыл "Ұлтқа қызмет ету – медиа миссиясы" тақырыбы аясында медиа мамандар, халықаралық серіктестер және мемлекеттік ұйымдар жиналып, ой қозғайды.
Үш күн бойы қатысушылар үшін медиаэтика, деректі фильм, жасанды интеллектпен жұмыс жасау, имидж қалыптастыру, цифрлық коммуникациялар, дата-журналистика және журналистердің біліктілігін арттыру бойынша пленарлық және панельдік пікірталастар, баяндамалар, жабық питчинг-жобалар мен тәжірибелік шеберлік сабақтар ұйымдастырылады.