Жезқазғанда таңғы уақытта қызық оқиға болды. Мас күйдегі жергілікті тұрғын облыстық прокуратура ғимаратын досының үйі деп шатастырып, қақпасын сындырып тастаған, деп хабарлайды Aqshamnews.kz тілшісі.
Соттың мәліметінше, оқиға 30 тамызда таңғы 05:23 шамасында болған. Азамат Т. мас күйде болып, Ұлытау облыстық прокуратурасының қақпасын досының үйі деп ойлап, ашуға тырысқан. Ашылмаған соң қақпаны сындырып, нәтижесінде 260 мың теңге көлемінде шығын келтірген.
Сотта ер адам өз кінәсін мойындап, өкініш білдіріп, келтірілген шығынды толық өтейтінін айтқан. Нәтижесінде сот оны бөгденің мүлкін әдейі бүлдірді деп танып, 5 тәулікке әкімшілік қамауға алу туралы шешім шығарды.