Маңғыстаудағы жол апаты: Ұлттық ұланның авиациялық борты жіберілді
Бортта жол-көлік оқиғасында қаза тапқандардың туыстары денелерін сәйкестендіру және басқа қажетті рәсімдерді өткізу үшін ұшып барады, - деп хабарлайды Aqshamnews.kz.
Борт қаза тапқандардың денелерін өз аймақтарына жеткізу үшін де пайдаланылады. Қаза тапқандардың ішінде — бес әйел Қарағанды облысынан, ал біреуі Астана қаласының тұрғыны.
Дәрігерлер қазір Маңғыстаудағы жол апатынан зардап шеккен үш адамның өмірі үшін күресіп жатыр.
«1964 жылы туған ер адам мен 1967 жылы туған әйел жансақтау бөліміне жатқызылды, жағдайлары ауыр. 1960 жылы туған әйел аурухананың травматология бөлімінде, жағдайы тұрақты ауыр», – деп хабарлады Маңғыстау облыстық денсаулық сақтау басқармасы.
Еске сала кетейік, бұған дейін Маңғыстауда жол апаты болып, 10 адам қайтыс болғанын хабарлаған едік.