Луврды тонағандар ұзақ бұзақылар болып шықты, олар Франция астанасының кедей аудандарының бірінде тұрады, деп хабарлайды aqshamnews.kz
Әдепкіде болжанғандай олардың ұйымдасқан қылмыстық топқа қатысы жоқ.
«Оларды болмашы қарақшалар тобы дей алмаймыз, алайда жоғары ұйымдасқан қылмыстық топқа да жатқызбаймыз», - деді Париж прокуроры Лор Беко.
Оның айтуынша, Луврды тонауға қатысты ұсталып, айып тағылған төрт адамның үшеуі ер адам, бірі әйел. Олар жергілікті тұрғындар, Париждің солтүстігіндегі кедей аудан саналатын Сен-Дени маңында тұрады.
Беконың сөзінше, тұтқындалған төрт адамның екеуі бірнеше рет сотты болған.
Луврды тонауға қатысты екі күдіктіге айып тағылды. Бірі Сен-Дени маңында орналасқан Курнёв қаласының тұрғыны 38 жастағы әйел, екіншісі 37 жастағы ер адам. Беко олардың азаматтық некеде тұратынын және балалары бар екенін айтты, бірақ басқа мәлімет бермеді. Күдіктілер өздерінің қылмысқа қатысы жоқ екенін мәлімдеген.
Бұған дейін билік басқа екі күдіктіні ұстаған еді. Олар 34 жастағы Алжир азаматы мен 39 жастағы такси жүргізушісі. Құқық қорғау органдарының мәліметінше, бұл адамдар Луврды тонауға қатысы бар екенін ішінара мойындаған.
Айта кетейік, 19 қазанда Париждегі әлемге әйгілі Лувр музейіне ұры түскен еді. Олар жалпы құны 88 миллион еуро болатын тарихи жәдігерлерді қолды еткен.