Ғалымдар көк шай көптеген аурудың қаупін төмендететінін бірнеше рет дәлелдеген.
Егер адам көк шай ішуді әдетке айналдырса, не болады? Eat This, Not That журналы күніне екі рет көк шай ішкен адамдармен сөйлесіп, бір аптадан кейінгі әсерлерін анықтаған.
Күш-қуат артады
Кардиолог Ли Маркус көп жұмыс істейді және әр күн стреске толы. Бұрын түстен кейін оның күш-қуаты кенет төмендеп, тіпті пациенттерді емдеуге де әсер ететін.
Маркус зейінін қалпына келтіру мақсатында көк шай іше бастаған.
"Үш күннен кейін мен күрделі жүрек катетеризациясы кезінде зейінімнің жақсарғанын байқадым", – дейді дәрігер.
Түстен кейінгі бір шыны көк шайдан кейін ол сағат 16:00–18:00 аралығында күш пайда болатынын сезінді, ал одан кейін де шаршағаны басылған.
Психотерапевт Эринн Эверхарт та көк шай ішудің жұмыста көмектескенін байқаған.
"Әдетте мен кофе ішемін, бірақ көк шай миға қажетті энергияны береді және күннің екінші жартысында шаршамаймын", – дейді Эрин.
Ұйқы сапасы жақсарады
Доктор Маркус көк шайдың арқасында түнде жақсы ұйықтай бастады.
Бұл дәрігерді таңғалдырды, себебі шайда кофеин бар. Дегенмен, бұл әдет оған тез ұйықтап, сергек оянып, тіпті ауыр жұмыс кестесінде де демалуға мүмкіндік берді.
Ас қорыту тұрақтанады
Шайдағы антиоксиданттар ас қорытуға көмектеседі. Бұл ментал денсаулыққа да әсер етеді.
Ол науқастарына ішекке көңіл бөлуге және тамақтану әдеттерін қайта қарауға кеңес беретін.
Қабыну деңгейі төмендейді
Көк шайдағы антиоксиданттар қабынуды азайтуға көмектеседі. Бұл әсерді бірден сезбеуіңіз мүмкін, бірақ талдауларда көрінеді.
"Алты айдан кейін көк шайды тұрақты ішуімнің арқасында зертханалық талдауымда С-реактивті ақуыз деңгейі 15%-ға төмендеді", – дейді Маркус.
Кардиолог ретінде ол біледі: С-реактивті ақуыз қабынуды және жүрек-қан тамырлары ауруларының қаупін көрсетеді.
Эмоциялар тынышталады
Көк шай тынышталуға көмектеседі. Эверхарт бұл сусынның эмоциялық стресс жағдайында көмектескенін мойындайды.
Дәрігер Маркус та шайдың стресс деңгейін төмендеткенін атап өтті. Оның жұмысы жауапкершілігі үлкен болса да, сусын күрделі операция кезінде стресті азайтуға көмектесті.