Алматының Медеу ауданында мемлекеттік марапат – «Күміс алқа» иегері Ольга Красноярова отбасымен бірге республикалық референдумға қатысып, дауыс берді., – деп хабарлайды aqshamnews.kz тілшісі.
Ол дауыс беру учаскесіне жұбайы мен балаларын ертіп, ұлттық нақыштағы киім киіп келді. Оның айтуынша, ел үшін маңызды шешімдер қабылдау ісіне қатысу – әрбір азаматтың парызы. Сонымен қатар балаларына азаматтық жауапкершіліктің үлгісін көрсетуді де маңызды деп санайды.
Осы арқылы отбасы жас ұрпаққа қоғам өміріне белсене араласудың маңызын және әрбір азаматтың дауысы ел болашағы үшін айрықша мәнге ие екенін үлгі етіп көрсетіп отыр.
Медеу ауданының тұрғындары да референдум күні сайлау учаскелеріне отбасыларымен келіп, азаматтық белсенділік танытып, ел келешегіне бей-жай қарамайтынын көрсетіп отыр.