Коронавирустың таралуына жол бермеу жөніндегі ведомствоаралық комиссия әлемдегі эпидемиологиялық жағдайға шолу жасады. Бұл туралы Almaty-akshamy.kz хабарлайды, Inform.kz-ке сілтеме жасап.
АҚШ ғалымдары зерттеу барысында коронавируспен ауырған адамдарда жүрек пен қан тамырларының ішіне енетін зақымдалған эндотелий жасушалары 2 есе көп екенін байқады.
Ашылған жаңалық дәрігерлерге COVID-19-дың жүрек-қан тамырлары жүйесіне әсерін бағалауға мүмкіндік беруі тиіс.
Зерттеушілер коронавируспен ауырған және ұзаққа созылған белгілері бар 393 науқаста коронарлық артериялардың микроциркуляторлық арнасының жағдайын талдады.
Ғалымдар позитронды эмиссиялық томографияны (ПЭТ) қолданып, коронарлық артериялардың кеңею қабілетінің 20% төмендегенін анықтады.
Осылайша, COVID-19-бен ауыратын адамдар микротамырлы дисфункцияға тап болады.
Болашақта ғалымдар осы аурудың аясында микротамырлы дисфункцияның ауқымын зерттеуді жалғастырады, дәрігерлер диагностика мен емдеу стратегиясын анықтауға мәжбүр болады.
Ресейде коронавируспен ауырған адамдар қатты шаршап, басы ауырады, дәм мен иіс сезу бұзылады, қатты ентігеді және пациенттердің шамамен 5% ұзақ жөтелге тап болатыны байқалған.
«Сіздің жағдайыңызды жеңілдетудің тиімді және қауіпсіз әдістерінің бірі - көп сұйықтық ішу. Су, шай, морс тез қалпына келуге көмектеседі, бірақ жөтелді басу және жөтелмеуге тырысу жақсы ой емес», — деді ресейлік дәрігер.
Егер жөтел өмір сүру сапасын едәуір төмендетсе, сонымен қатар ол үдеген және денсаулық нашарлаған жағдай туындаса, маман дәрігерге жүгінуді ұсынады.