Коронавирусты емдеудің жаңа тәсілі шықты
Мамандар арнайы аппарат арқылы науқастың дене қызуын көтере отырып, вирустан арылтуға болады дейді. Дәрігерлер бұл әдісін Сеулде өткен халықаралық конференцияда көрсетті, деп хабарлайды Almaty-akshamy.kz 24.kz. сайтына сілтеме жасап.
Ғалымдардың айтуынша, жаңа аппарат арқылы адам ағзасында вирусты жоятын температура қалыптастырады. Бүгінге дейін бұл әдіс ковидке шалдыққан 20 науқастың сауығып кетуіне септігін тигізген.
Қазірдің өзінде бұл құрылғы елдің 100-ге жуық клиникасында бар. Енді емдеудің бұл әдісі вирустарды зерттейтін халықаралық альянста зерттеліп жатыр.
«Вирус адам ағзасындағы 36-37 градус температурасына жақсы бейімделеді. Сондықтан онымен күресу үшін дене қызуын әдейі көтеру арқылы вирусты әлсіретуге болады. Иммунитеттің жасушалары жұмыс істей бастайды. Оның ішінде табиғи өлтіруші жасушалар (NK жасушалары) маңызды рөл атқарады. Олар вирустың көзін құртады. Дәрі тек жасушаның бір бөлігін ғана емдесе, табиғи өлтіруші жасушалар вирусқа шалдыққан барлық жасушаны жойып жібереді», - вирустарды зерттейтін халықаралық альянстың вице-президенті Ким Сон Ман.