Кардиология және ішкі аурулар ҒЗИ-да Румыниядан келген жетекші интервенциялық кардиолог және радиолог Marin Postu қатысуымен ротациялық коронарлық атерэктомия (ротаблация) бойынша шеберлік сынып өтті.
Шеберлік сыныпқа Алматы қаласы мен еліміздің өңірлерінің рентгенхирургтары жиналды, деп хабарлайды Almaty-akshamy.kz
Ротациялық коронарлық атерэктомия – бұл жоғары жылдамдықты гауһар бүріккіш айналмалы бұрғы арқылы коронарлық артерияның стенозды зақымдануын жоюдың заманауи әдісі. Ротаблатор атеросклеротикалық кальциленген түйіншектері бар артериялардың өткізгіштігін қалпына келтіруге арналған.
Операция кезінде дәрігерлер жүректің «қатайған» тамырларын бұрғылайды, олар құбыр тәрізді кальциленген әкпен жабылған. Ротаблациясыз стентті толығымен ашу, тамырдың толық ашылуын және қан ағымын қалпына келтіру мүмкін емес.
Ротаблация - қатты және кальциленген атеросклеротикалық түйіншектерді емдеудің тиімді революциялық әдісі. Бірақ процедура күрделі асқынуларға толы болғандықтан, оны сараптамалық деңгейдегі клиникаларда жоғары білікті тәжірибелі дәрігер жасау керек.
«Шеберлік сынып аясында 2 күн ішінде жүректің ишемиялық ауруы, коронарлық артерияның созылмалы окклюзиясы, кальциленген зақымдануы бар 50-73 жас аралығындағы пациенттерге бірнеше операция жасалады»,-дейді Кардиология және ішкі аурулар ҒЗИ Басқарма төрағасы Марат Пашимов.
«Медицина бір орында тұрмайды. Біз, дәрігерлер, күн сайын дамып, заман көшіне ілесуіміз керек. Сондықтан өз қызметкерлерімізге осындай шараларды үнемі ұйымдастырып, жетекші шетелдік медициналық орталықтарға жіберіп, олармен байланыс орнатып, өзімізге шақырып тұрамыз», - дейді ол.
«Бұл арнайы техникалар мен материалдарды қолданатын өте күрделі операция. Барлық операциялар сәтті аяқталды. Мен мұнда үйретушімін деп айта алмаймын, біз тәжірибе алмасудамыз. Осы салада мен 10 жыл жұмыс істеймін. Жаңашылдық – біз ең заманауи материалдарды пайдаландық. Негізінде, мұндағы дәрігерлер мұны қалай жасау керектігін біледі, бірақ бұған дейін оларды іс жүзінде қолданбаған», - дейді румыниялық қонақ.
Рентгенендоваскулярлық оперблок меңгерушісі Алексей Колесниковтың айтуынша, ротаблация коронарлық артерияның кальциленген стенозымен науқастарды эндоваскулярлық емдеудің балама әдісі бола алады. Бұл пациент үшін барлық қауіптер мен қолайсыздықтарға толы көлемді ашық операциядан сақтайды.
Тері арқылы коронарлық интервенцияларда ротациялық атерэктомияны қолдану сонымен қатар асқынулардың даму қаупін азайтуға, коронарлық артерияның кальциленген стенозымен науқастардың өмірін сақтауға және өмір сүру сапасын жақсартуға мүмкіндік береді, пациенттердің емдеуге жату ұзақтығын қысқартады.
Пациенттер клиникадан симптоматикалық жақсарумен шығарылады.
Marin Postu-20 жылдан астам тәжірибесі бар интервенциялық кардиолог және радиолог. Ол жылына 1000-нан астам диагностикалық ангиографияны және тері арқылы араласуды, негізінен коронарлық араласулар (шамамен 80%) және тамырлы араласудың барлық түрлерін жасайды. Миокард инфарктісіне алғашқы тері арқылы коронарлық араласуды жүргізуде үлкен тәжірибесі бар. Польша, Босния және Герцеговина, Люксембург және т.б. елдердегі интервенциялық кардиология және радиология бойынша барлық маңызды конгрестер мен курстарға қатысады. Ол Румыния кардиология қоғамының интервенциялық кардиология бойынша жұмыс тобының Президенті.