Кейінгі үш тәулікте қар құрсауынан 78 адам құтқарылып, эвакуацияланды, – деп хабарлайды aqshamnews.kz тілшісі.
Боран, көктайғақ, қатты жел және жол көрінбей қалғанына байланысты (7–9 наурыз аралығында) Төтенше жағдайлар министрлігінің құтқарушылары 78 адамды, оның ішінде 7 баланы құтқарып, эвакуациялады. Сонымен қатар 29 автокөлік қар құрсауынан шығарылды.
Қазақстан ТЖМ азаматтарды сақтық шараларын сақтауға, ауа райына байланысты ескертулерді қадағалауға және қолайсыз ауа райы жағдайында алыс сапарларға шықпауға шақырады. Ауыл тұрғындарына ауа-райының нашарлауы жағдайында ұзақ серуендеуден бас тарту ұсынылады.