Бұл туралы Конституцияда жазылған.
Орталық сайлау комиссиясының өкілдері кандидаттың сайлауда төлеген жарнасы қай жағдайда қайтарылатынын және оның қалай мемлекет кірісіне айналатынын түсіндірді, деп хабарлайды Almaty-akshamy.kz
ОСК мүшесі Сәбила Мұстафинаның айтуынша, кандидатқа немесе партияға сайлау жарнасын қайтару жағдайлары «Қазақстан Республикасындағы сайлау туралы» Конституциялық заңда жазылған.
«Сайлау жарналары үш жағдайда қайтарылады. Біріншісі – егер кандидат депутат болып сайланса. Екіншісі – кандидат немесе саяси партия дауыс беруге қатысқан сайлаушылар санының кемінде 5 пайыз дауысын жинаса. Үшіншіден, өкінішке қарай, мұндай жағдайлар да кездеседі, сондықтан ол заңнамада белгіленген: кандидат немесе саяси партияның партиялық тізіміне енгізілген жалғыз кандидат қайтыс болған жағдайда жарна қайтарылады» – деді ОСК мүшесі Сәбила Мұстафина.