Әлеуметтік желіде мектепте тәтті деп есірткі тарататындар бар деген ақпарат тарады.
ІІМ бұл ақпараттың шындыққа жанаспайтынын мәлімдеді, деп хабарлайды aqshamnews.kz
WhatsApp чаттарында мектептерде балаларға "құлпынай квик" кәмпиттері және құрамында есірткі – кристалды метамфетамин бар басқа да заттар ұсынылуы мүмкін екендігі туралы ақпарат таралды.
«Қоғамда дүрбелең немесе басқа да жағымсыз салдарды тудыруы мүмкін көрінеу жалған ақпаратты тарату қылмыстық жауапкершілікке әкеп соғатынын есте ұстау қажет. Хабарламаларды таратпастан бұрын барлығын мұқият тексеріп алған жөн», – деп ескертеді ІІМ.
Сонымен қатар полиция қызметкерлері ата-аналарға балалармен түсіндіру жұмыстарын жүргізудің маңыздылығын еске салады.