Калифорнияның Лос-Анджелес қаласының солтүстігінде өрт қарқынды таралуда, деп хабарлайды aqshamnews.kz
Бұл аймақтың тұрғындарына үлкен қауіп төндіріп отыр. Өрт салдарынан бірнеше үй өртеніп кетті. Теңіз жағалауындағы көрнекті орындар да отқа оранған.
Қазіргі уақытта 30 000-нан астам адам өз үйлерін тастап, қауіпсіз жерге кетуге мәжбүр болды. Полиция бастығы Джим МакДоннеллдің айтуынша, 10 000 үйдің тұрғындары эвакуацияланған. Бұл осы өңірдегі бүкіл бір ауданды қамтиды. Лос-Анджелес қаласының мэрі Карен Басс төтенше жағдай жариялады.
Желдің салдарынан өртті бақылауға алып, сөндіру мүмкін болмай тұр. Қазіргі уақытта өрт 160 гектардан астам аумақты шарпыған. Сонымен қатар Бёрбанк әуежайында тағы бір өрт шықты, ол да Лос-Анджелестің солтүстігінде орналасқан.