2022 жылғы 10 қарашада сағат 17.00-де Алмалы ауданында Гоголь және Шәріпов көшелерінің қиылысында жылу трассасы жарылды. Апатқа құбырдың тозуы себеп болған, - деп хабарлайды almaty-akshamy.kz
Диаметрі 400 мм зақынданған құбырды жөндеу үшін ауданды ыстық сумен жабдықтау уақытша өшірілді.
Жылу трассасы 30 жылдан астам уақыт бұрын – 1986 жылы пайдалануға берілді. Соңғы жылдары бұл аумақта құбырдың тозуына байланысты 17 апат болған, бүгінгі 18-ші оқиға.
67 көппәтерлі және 2 жеке үй, 6 білім беру нысаны және 20-дан астам басқа нысандар уақытша жылусыз қалды.
Зақымдалған құбырды және зақымдалған жерді анықтау бойынша жұмыстар жүргізіліп жатыр. “Алматы жылу жүйесі” ЖШС мамандары құбырды жөндеп жатыр. Барлығы 3 бірлік техника мен 18 адам жұмылдырылды.