Белгілі ақын, ғалым Темірғали Көпбай әл-Фараби атындағы Қазақ ұлттық университеті журналистика факультетінің деканы қызметіне тағайындалды, деп хабарлайды almaty-akshamy.kz
Темірғали Көпбай - ақын, ғалым, баспагер, журналист, ұстаз. Соңғы жиырма жылдан астам уақыттан бері ол «Қазығұрт» баспасында басшылық қызметте жүріп, ұлт руханиятына үлкен үлес қосты.
«Журналистика – кәсіп, ал кәсіп иесі нанына адал болуы керек» деген Темірғали Көпбай Қазақ мемлекеттік университетінің журналистика факультетінде ұзақ жылдан бері ұстаздық етеді.
Т. Көпбай - филология ғылымдарының кандидаты, халықаралық «Алаш» әдеби сыйлығының лауреаты, «Құрмет» орденінің иегері.