Студенттер арасында ауру көбейсе, жоғары оқу орындары онлайн оқуға көшуі мүмкін бе?
Бүгін Денсаулық сақтау министрлігі осы сұраққа жауап берді, деп хабарлайды aqshamnews.kz
Министрлікке "Қанша студент ауырған кезде жоғары оқу орындары онлайн форматқа көшіріледі?" деген сауал жолданған.
"2025 жылғы 22 тамыздағы Бас мемлекеттік санитариялық дәрігердің қаулысында тек жалпы білім беретін ұйымдарды (мектептерді) қашықтан оқытуға көшіру критерийлері белгіленген. Ал жоғары оқу орындары мен колледждерге қатысты мұндай талаптар бекітілмеген", – делінген Денсаулық сақтау министрлігінің баспасөз қызметі таратқан хабарламада.