Қазақстанда 2037 жылдан бастап жоғары оқу орындарына грант бөлінбеуі мүмкін.
Жоғары білім министрлігі арнайы жоба әзірледі. Барлық ата-ана келешек жүйесі арқылы әр балаға ақша жинайды, деп хабарлайды Almaty-akshamy.kz Qazaqstan.tv-ға сілтеме жасап.
Алғашқы төлем бала 5 жасқа толғанда жасалады. Мектеп бітіргенше ай сайын 1-3 айлық есептік көрсеткіш көлемінде ақша салып тұру керек. Ал мемлекет тарапынан ол 200 мың теңгелік бастапқы жарнамен мемлекеттік сыйақы және ұлттық қор есебінен толықтырылып отырады. Бала кәмелет жасына толғанда шамамен 6 млн 800 мың теңгеге дейін ақша жинақталады. Гранттар кей жағдайда ҰБТ нәтижесіне қарай берілуі де мүмкін.