Дау депутаттың Жамбыл облысы Сарымолдаев ауылындағы үйіне қатысты болған.
Жигули Дайрабаев үйіне қатысты іс бойынша сотта жеңіліс тапты, деп хабарлайды Almaty-akshamy.kz
ҚР Парламенті Мәжілісінің депутаты Жигули Дайрабаев Жамбыл облысы Сарымолдаев ауылындағы үйді сатуға қатысты сотта жеңіліп қалды.
Талапкер әйелімен бірнеше жыл бұрын ажырасып кеткен жергілікті тұрғын Саит Рузиев болып шықты. Әйелі ортақ үйді Жигули Дайрабаевқа сатып жіберген.
7 маусымда Жамбыл облысы Тұрар Рысқұлов ауданының соты Саит Рузиевтің бұрынғы әйелі мен депутат Жигули Дайрабаевқа, нотариус және облыстық әділет департаментінің қызметкерлеріне қатысты арызы бойынша шешім шығарды.
Саид Рузиевтің бұрынғы әйелі мен Жигули Дайрабаев арасындағы 2021 жылғы 5 қарашадағы Сарымолдаева ауылындағы үйді сатып алу-сату мәмілесі жарамсыз деп танылды, мүлік - бұрынғы ерлі-зайыпты бірлесіп жиған пайда. Олардың бірлескен мүліктегі үлесі 50 пайыздан деп анықталды.
