Жасанды интеллект (AI) әлемдік экономикаға айтарлықтай ықпал етуде. 2030 жылға қарай оның үлесі 20 триллион долларға жетеді. Бұл туралы Digital Almaty 2025 цифрлық форумы барысында ҚР Премьер-министрі Олжас Бектенов мәлімдеді, деп хабарлайды Aqshamnews.kz
IDC сараптама компаниясының зерттеулеріне сәйкес, AI технологиясының арқасында ЖІӨ жыл сайын 2-3%-ға өсуі мүмкін. Осы мүмкіндікті ел экономикасын дамыту үшін барынша пайдалану қажет екенін айтты Үкімет басшысы.
Олжас Бектенов жасанды интеллекттің кең таралуына ықпал ететін үш негізгі факторды атады:
Адами капиталды дамыту – IT саласындағы әлемдік көшбасшылар ғылыми жобаларды бірігіп жүзеге асыруда.
Кооперацияға көшу – Жасанды интеллект бәсекелестіктен бірлескен даму кезеңіне өтуде.
Ашық инновациялар – Белгілі платформаларда энтузиастар өз жобаларымен бөлісіп, жалпы технологиялық ілгерілеуге ықпал етуде.
"Біз бұл тәжірибені өзіміздің және бірлескен жобаларымыз үшін пайдалануымыз керек", – деді Бектенов.