Жетісу облысында қарақұрт қаптады, деп хабарлайды aqshamnews.kz
Улы өрмекшілер жер үйлерді қойып, көпқабатты ғимараттардың ішіне кіре бастаған. Күн жылығалы 21 адамды жәндік шақты. Оның 7-еуі бала. Зардап шеккендердің көбі Талдықорған тұрғындары.
Қалалық көпсаласы ауруханада 10 адамға көмек көрсетілді. Жағдайы ауыр 2 адам жансақтау бөліміне жатқызылды. Дәрігерлердің айтуынша, қарақұрттың уына қарсы препарат жеткілікті. Ең бастысы – дер кезінде дәрігерге көріну керек.