Жетісу ауданының бюджеті 3 есеге жуық, 6,3 млрд. теңгеден 18,1 млрд. теңгеге дейін көбейді.
Бұл штат санын 19 адамға, 36-дан 55-ке дейін арттыруға мүмкіндік берді. Бұл туралы қала әкімі Ерболат Досаев аудан тұрғындарымен кездесуде айтты, деп хабарлайды Almaty-akshamy.kz.
Қаржыландыру көлемінің өсуі барлық аудан әкімдіктеріне жаңа функция беру аясында жүзеге асқан.
«Мәселен, децентрализациялау аясында Жетісу ауданының әкімдігі биыл 500 млн. теңге сомаға 30 мың шаршы метр жолға ағымдағы жөндеу жүргізеді», - деді әкім.
1 сәуірден бастап Алматы қаласының аудан әкімдіктеріне 15 функцияны берумен бірге бюджет те ұлғайған.