Ертең, 9 мамыр күні, Ұлы Отан соғысындағы Жеңістің 80 жылдығына арналған іс-шаралар аясында Алматы-2 вокзалының перронында сағат 11:00-ден 15:00-ге дейін «Жад поезын» салтанатты қарсы алу рәсімі өтеді, деп хабарлайды .Aqshamnews.kz «Жад поезы» ұйымдастырушыларына сілтеме жасап.
Бұл жай ғана пойыз емес – бұл бізді тарихқа жетелейтін ерекше алаң. Сонау соғыс жылдарындағы майдангер батырларды қалай шығарып салып, қалай қарсы алғанын еске түсіруге мүмкіндік береді. Бұл шара ардагерлерді, оқушыларды, кадеттерді, қоғам белсенділерін және ел ерлігін жүрегінде сақтаған барлық азаматты біріктіреді.
Қонақтарды мазмұнды концерттік-театрландырылған бағдарлама күтіп тұр. Онда соғыс жылдарының әндері шырқалады,
оқушылар майданнан келген хаттарды оқиды, актерлер сол кездің шынайы оқиғаларын баяндайды.
Іс-шараның шарықтау шегі – сол кезеңнің рухы мен көңіл-күйін жеткізетін хореографиялық қойылым болмақ.
Сонымен қатар:
• Әскери атрибутикамен фотоаймақтар,
• Майдан хаттарын жазуға арналған шеберлік дәрістері,
• Ардагерлер мен қатысушыларға майдан даласындағы ботқаны тарату ұйымдастырылады.
Іс-шара соңында барлығы бірігіп «Жеңіс күні» әнін орындайды. Бұл өткенге деген тағзым мен бірліктің белгісі.
Баршаңызды осы маңызды әрі тебірентерлік іс-шараға қатысуға шақырамыз. Келіңіздер, бейбітшілік сыйлаған жандарға бірге алғыс айтып, олардың ерлігін есте сақтайық!
Барлық сұрақ бойынша: 8 707 104 05 07 Руслан.