Олимпиада жеңімпаздары елге оралды.
Бүгін таңертең Алматы жұртшылығы әуежайдан Олимпиада ойындарының чемпионы Елдос Сметов пен қола жүлдегер Ғұсман Қырғызбаев бастаған дзюдодан Қазақстан құрамасын күтіп алды, деп хабарлайды akshamnews.kz
Алматы әуежайында адамның көптігінен аяқ алып жүргісіз. Алғашқы лекпен келген чемпион мен өзге де спортшыларды жақындары мен жанкүйерлері күтіп алды.
Алматы қалалық дзюдо федерациясы алматылық қола жүлдегер Ғұсман Қырғызбаевқа қымбат көлік мінгізді.
«Ғұсман әкелген қола – Алматы үшін алтынмен тең болып тұр, өйткені бұл тарихымыздың жаңа беті. Ол өзі спортшы ретінде ғана емес, адам ретінде де жақсы жігіт, сондықтан лайықты еңбегін бағалап, өмірін жеңілдету мақсатында осы көлікті сыйлап отырмыз» деді Алматы қалалық дзюдо федерациясының басшысы Али Хамхоев.