Қазақстан Президенті Қасым-Жомарт Тоқаев 1986 жылғы наразылық шеруі халқымыздың бостандыққа ұмтылысын көрсетті деп жазды, деп хабарлайды Almaty-akshamy.kz.
«Осыдан 35 жыл бұрын қазақ жастары Кеңес одағының өктемдігіне қарсы шықты. 1986 жылғы наразылық шеруі халқымыздың бостандыққа ұмтылысын көрсетті. Тәуелсіздіктің алғашқы қарлығаштары – Желтоқсан қаһармандарының өшпес ерлігі біздің мемлекеттілік тарихымызға мәңгі жазылды», - деді мемлекет басшысы өзінің твиттердегі әлеуметтік парақшасында.