2024 жылдың желтоқсан айында Қазақстанда ауа райы күрт өзгерістерге ұшырауы мүмкін. Қазгидромет жариялаған болжамға сәйкес, температуралық фон климаттық нормаға жақын болады, бірақ жауын-шашын мөлшері республиканың басым бөлігінде нормадан жоғары болмақ, деп хабарлайды aqshamnews.kz
Солтүстік, Орталық және Шығыс Қазақстан облыстарында айдың бірінші онкүндігінде түнде ауа температурасы -10°С-тан -3°С-қа дейін төмендейді. Күндіз температура 0-ден -8°С-қа дейін ауытқиды. Бұл аймақтарда қар, бұрқасын, екпінді жел мен суық күндер болады.
Оңтүстік, оңтүстік-шығыс аймақтарда ауа температурасы түнде -5°С-тан +5°С-қа дейін өзгереді. Таулы аймақтарда температура -10°С-тан -15°С-қа дейін төмендеп, күндіз -5°С-тан +12°С-қа дейін ауытқиды. Бұл аймақтарда жаңбыр мен қар аралас жауын, сондай-ақ қар жаууы ықтимал.
Батыста түнде температура -1°С-тан +8°С-қа дейін ауытқып, күндіз +1°С-тан +8°С-қа дейін көтерілмек. Онкүндіктің соңында температура күндіз -5°С-қа дейін төмендеуі мүмкін.
Желтоқсан айында, әсіресе солтүстік-батыс және солтүстік аймақтарда ауа температурасының күрт төмендеуі күтілуде. Бұл күндерде аязды күндер мен қатты суық болуы мүмкін. Сонымен қатар, республиканың көптеген бөлігінде көктайғақ пен тұман болуы ықтимал.
Желтоқсан айында ауа райының күрт өзгерістерін ескере отырып, тұрғындарға сақтық шараларын сақтау ұсынылады. Қарлы және бұрқасындық күндерде жолда абай болу, үйлер мен ғимараттардың жылыту жүйелерін тексеру, көлік құралдарын дайындау маңызды.