«Қазгидромет» РМК бүгінгі күн райына болжам жасады.
Атмосфералық фронтальды бөлімдер Қазақстан аумағының басым бөлігінде ауа райының тұрақсыз сипатын сақтайды: найзағай ойнап, жаңбыр жауады, деп хабарлайды aqshamnews.kz.
Еліміздің батысында, солтүстік-батысында антициклон сілемінің әсерінен жауын-шашынсыз ауа райы күтіледі. Ел аумағы бойынша жел күшейеді. Солтүстік-батыста, солтүстікте, орталықта түнгі және таңертеңгі сағаттарда тұман түсуі ықтимал деп күтілуде.
«Абай, Ұлытау, Батыс Қазақстан, Атырау, Маңғыстау, Қызылорда, Ақтөбе, Алматы, Шығыс Қазақстан, Жетісу облыстарында жоғары өрт қаупі сақталады», — деп жазды синоптиктер.