TЭО СUP XIV: кезекті турнир басталу алдында
Жастардың интеллектуалды дамуы алдағы уақыттағы елдің бәсекеге қабылеттілігін арттырады. Еліміздің адам капиталын дамытудағы басты ұстанымдары, қолға алған бастамалары да жастардың жаңа ойлап, заманауи білімдерді игеруге жол ашып келеді. Ал осы бастамаларды терең игеру, оны жастардың ортасында кеңінен таратуда пікірсайыс жобалары айтарлықтай үлес қосып келе жатыр.
Қазір еліміздегі жастардың интеллектуалды дамында жоғары оқу орындары мен түрлі қоғамдық бірлестіктер жағынан өткізілетін пікірсайыс ойындарының маңызы айрықша. Мұндай жобалар жастарының сыни ойлау қабілетін дамытып, көшбасшылық қасиеттерін жетілдіруге айтарлықтай ықпал етіп келеді. Бұнымен бірге осындай жобалар арқылы жастар арасында пікірсайыс мәдениетін нығайып келеді.
TЭО СUP – жастардың зияткерлік алаңы
Жастардың интеллектуалды дамуына әсер етіп отырған пікірсайыс жобалары аз емес. Дегенмен, республикалық деңгейде жастардың зияткерлік алаңына айналған TЭО СUP турнирін айрықша атауға болады. Бұл турнир биыл өзінің он төртінші кезеңін бастау алдында тұр.
НАРХОЗ университетіндегі білікті, алғабастар жастардың бастамасымен TЭО СUP XIV турнирі 5-6 сәуір күндері өтпек. Оған республиканың түкпір- түкпірінен 80 команда, 40 төреші, 40 гид және 1500-ден астам қонақ қатысады деп күтілуде.
Бұл турнирдің басты ерекшелігі Британдық (БПФ) ,Америкалық (АПФ) және Линкольн - Дуглас (LD) форматтарында пікірсайысқа түседі. Ал көтерген негізгі тақырыбы «Modern Kazakh» деп аталады. Бұл қазіргі Қазақстандағы әлеуметтік өзгерістер, экономикалық даму , жастардың рөлі және ұлттық бірегейлік мәселелерін қамтитын өзекті тақырыптар төңірегінде пікір алмасуға мүмкіндік береді деп санайды турнир ұйымдастырушылар.
TЭО СUP XIV- бұл пікірсайысшылар үшін ғана емес, қоғамдағы белсенді жастардың дамуына серпін беретін бірегей алаң. Жоба еліміздегі пікірсайыс мәдениетін нығайтып қана қоймай, жаңа буын көшбасшыларын қалыптастыруға зор үлес қосуда.
· Тақырыпқа орай:
Ерасыл МЫРЗАЛИЕВ, Турнир қатысушысы және төрешісі:
АУҚЫМЫ ЖЫЛ САЙЫН КЕҢЕЙІП КЕЛЕДІ
2023-2024 жылдары мен бұл турнирдің бас төрешісі әрі ұйымдастырушысы болдым. Турнирді өткізу барысында талай қиындықтар мен қызықты сәттерге тап болдық. Бұл жарыс жыл сайын ауқымы кеңейіп, жоғары деңгейде өтеді. 2024 жылы да үлкен көлемде ұйымдастырылып, оған Ерболат Мұхаммеджанов пен басқа да танымал рэперлер қатысып, ерекше атмосфера қалыптастырды.
Биылғы турнирге де Ерболат Мұхаммеджанов, Мақсат Халық, Руслан Желдібай, Азамат Скаков сынды құрметті қонақтар қатысады. Біз жарысты өткізу үшін жарты жыл бұрын дайындық жұмыстарын бастап, демеушілер іздеп, олармен келіссөздер жүргіземіз. Бұл кезеңде кейбір қиындықтар кездескенімен, ұйымдастыру жұмыстары жүйелі түрде атқарылады. Қатысушыларға айтарым – әрдайым жоғары деңгейде дайындықпен келіңіздер! Біз турнир барысында көптеген жаңа тәжірибе жинақтадық. Осы шараны ұйымдастыруға қолдау көрсетіп жатқан барлық серіктестеріме алғысымды білдіремін.