Парламент Либерал-демократиялық партияның жетекшісі Санаэ Такаитиді елдің жаңа премьер-министрі етіп бекітті. Осылайша 64 жастағы Такаити ел тарихында бұл лауазымға келген алғашқы әйел атанды.
Ол ультраконсервативті көзқарастарымен танымал. Экономикада бұрынғы премьер-министр Синдзо Абэ жүргізген «Абэномика» саясатын ұстанады. Бұл саясат Жапония банкінің ақша-несие саясатын жеңілдету, мемлекеттік шығындарды арттыру және құрылымдық реформалар жүргізу арқылы экономиканы ынталандыруды көздейді.
Такаити АҚШ-пен арадағы сауда келісімін қайта қарауға ниетті. Оның АҚШ президенті Дональд Трамппен алғашқы кездесуі қазан айының соңында Оңтүстік Кореяда өтетін Азия-Тынық мұхиты экономикалық ынтымақтастығы саммитінде өтуі мүмкін.
Жапонияда алғаш рет премьер-министр лауазымына әйел адам тағайындалды
- Автор aqshamnews.kz
- 16:51, 21 қазан 2025
интернеттен