Бірінші компонентпен егілгендер саны – 78,3 миллион адам.
Жапония азаматтарының 50%-дан астамы вакцинацияның толық курсынан өтті, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
Күншығыс ел азаматтарының тең жартысы КВИ-ға қарсы екпе алып қойғаны туралы экономиканы қалпына келтіру Министрі Ясутоси Нишимура мәлімдеген.
Ол қыркүйек айының соңына қарай ел тұрғындарының 60%-ы екінші дозамен егіледі деп болжады.
Ресми статистикаға сәйкес, вакцинаның екінші компонентін қазірдің өзінде елдің 63 миллион тұрғыны алды, бірінші компонентпен егілгендер саны – 78,3 миллион.
Дегенмен тұрақсыз эпидемиологиялық жағдайға байланысты ел билігі 19 префектурада, соның ішінде астана мен оған іргелес аймақтарда төтенше жағдай режимін ұзартты.