Жаңа жыл жақындаған сайын Аяз ата мен Ақшақар қызметтеріне сұраныс жоғарылайды. Қазақстандағы әртүрлі аймақтарда жаңа жылдық мереке қарсаңында олардың қызметтеріне қанша ақша төленетіні мен жалпы табыстары айтарлықтай ерекшеленеді, деп хабарлайды aqshamnews.kz
Алматы
Алматыда жаңа жылдық қызметтерге сұраныс ең жоғары деңгейде. Құттықтау бағасы 10 000 теңгеден 65 000 теңгеге дейін жетеді. Сонымен қатар, VIP-құттықтау пакеттері ұсынылады, оларда трансфер, Ақшақармен бірге шай ішу, билеу және фотосессиялар қамтылған. Алматыдағы жалпы табыс 481 000 теңгеден 925 000 теңгеге дейін жетеді.
Астана
Астанада да баға 25 000 теңгеден басталып, 99 000 теңгеге дейін жетеді. Жалпы табыс 475 000 теңгеден 1 881 000 теңге аралығында.
Шымкент
Шымкентте қызметке сұраныс негізінен отбасылық және білім беру мекемелерінен келіп түседі. Бұл қалада мұндай қызмет 10 000 теңге мен 40 000 теңге аралығында бағаланып отыр. Мұнда жалпы табыс 390 000 теңгеден 1 560 000 теңгеге дейін болады.
Шығыс Қазақстан
Шығыс Қазақстанда жаңа жылдық қызметтер бағасы өзге өңірлермен салыстырмалы түрде айтқанда арзан. Бағалар 9 000 теңгеден 30 000 теңгеге дейін болады. Қызмет көрсетушілер 225 000 теңгеден 750 000 теңгеге табыс табады.
Батыс Қазақстан
Батыс Қазақстанда қызмет көрсетушілер өз еңбектерін 13 000 теңгеден бастап, 25 000 теңгеге бағалайды екен. Осылайша 260 000 теңгеден 625 000 теңгеге дейін табыс таппақ.
Жаңа жылға дайындық әдетте маусым басталмай тұрып жүргізіледі, ал ең көп тапсырыстар 31 желтоқсан күні түседі.