Жамбыл облысында мерзімді қызметтегі әскери қызметші қайтыс болды, - деп хабарлайды aqshamnews.kz тілшісі.
Бас прокуратура мәліметінше, оқиға 27 қаңтарда болған. Марқұм қаруды ұстау кезінде жарақат алған.
"Мерзімді қызметтегі әскери қызметшінің қайтыс болуына байланысты ІІМ-нің Әскери тергеу органдары соталды тергеп-тексеруді бастады. Жедел тергеу тобы құрылды, тергеу барысы Бас прокурордың жеке бақылауында", - деп жазылған хабарламада.
Мән-жайды жан-жақты анықтау мақсатында қорғаныс министрінің орынбасары, Бас әскери прокурор және ІІМ Әскери тергеу департаментінің бастығы оқиға орнына шыққан.