Израиль әскері Қатар астанасы Дохада орналасқан ХАМАС ұйымының болжамды штабына соққы жасады, деп хабарлайды Aqshamnews.kz тілшісі Minval.az-қа сілтеме жасап.
Алдын ала деректерге сүйенсек, ұйымның жоғары басшылығындағы бірнеше шенеунік қаза тапқан. Израильдік БАҚ-тың хабарлауынша, олардың арасында топ-менеджерлері де бар. Журналист Амит Сегалдың дерегінше, қаза тапқандар АҚШ-пен келіссөз жүргізген делегация мүшелері болған.
Әуе соққылары Израиль ӘӘК ұшақтарымен жасалған. Ал Израиль армиясы (ЦАХАЛ) Telegram-арнасында шабуылды растады.
Мәлімдемеде нысанаға ХАМАС-тың 2023 жылғы 7 қазанда Израильге жасалған шабуылға қатысы бар басшылары алынғаны айтылды. Сондай-ақ, бейбіт тұрғындарға зиян келтірмеу үшін жоғары дәлдіктегі қару қолданылып, қосымша барлау деректері пайдаланылғаны атап өтілді.
Қатар билігі бұл әуе соққысын қатаң айыптады.