Иран әуе кеңістігінің жабылуына байланысты Қазақстанның Қазақстан Республикасының Тегерандағы елшілігі ел аумағында жүрген азаматтарға шұғыл мәлімдеме жасады, деп хабарлайды Aqshamnews.kz тілшісі.
Иран билігінің шешімінен кейін халықаралық және тұрақты әуе рейстері уақытша тоқтатылған. Осыған орай елшілік қазақстандықтарды сабыр сақтауға, тек ресми дереккөздерге сенуге шақырды.
Дипломатиялық өкілдік таратқан ақпаратқа сәйкес, қазіргі уақытта елден шығудың жалғыз жолы – құрлықтағы шекара бекеттері. Азаматтар Ираннан мына бағыттар арқылы өте алады: Әзербайжан, Армения, Түркия және Түркіменстан.
Елшілік Иран аумағында жүрген отандастарға шығу бағытын нақтылау және ұйымдастыру мәселелері бойынша консулдық бөлімге жедел хабарласуды ұсынды. Құрлық шекаралары арқылы өту тәртібі бойынша қосымша түсіндіру жұмыстары жүргізіліп жатыр.